Non só os grandes homes e as obras importantes merecen ser recordados. Tamén o traballo diario, o facer silencioso dos que a través da súa profesión manteñen vivo o labor creador herdado dos seus antergos, perfecionándoo, adaptándoo ás súas necesidades e ampliándoo a través da súa experiencia a cultura popular.

Por esta razón, antes de que a memoria esqueza, recóllese nesta obra o testemuño dunha obra noutrora importante e hoxe morta, á que dedicaron gran parte da súa vida algúns dos nosos conveciños: os telleiros ou cabaqueiros.

____